SWOT ANALYSIS

സ്വയം അറിയുക, മനസ്സിലാക്കുക എന്നത് ജീവിതവിജയത്തിന് അനിവാര്യമായ കാര്യങ്ങളാണ്. നമ്മുടെ കഴിവുകളും കഴിവുകേടുകളും ബലഹീനതകളും നാം സ്വയം മനസിലാക്കുകയും തിരുത്തേണ്ടവ തിരുത്തുകയും മെച്ചപ്പെടുത്തേണ്ടവ മെച്ചപ്പെടുത്തുകയും വേണം. ഇപ്രകാരം നമുക്ക് നമ്മെത്തന്നെ മനസ്സിലാക്കാനും വിലയിരുത്താനും സഹായകമായ മാർഗമാണ് SWOT അനാലിസിസ്. ഇതിന്റെ പൂർണ്ണരൂപം താഴെക്കൊടുക്കുന്നു. 

S-Strength

W-Weakness

O-Opportunities

T-Threats

ഓരോ വ്യക്തിയും വ്യത്യസ്തനാണ്. നാമോരോരുത്തരും നമ്മുടെ വ്യക്തിത്വത്തെ അടിസ്ഥാനമാക്കി വ്യത്യസ്തമായാണ് പ്രവർത്തിക്കുന്നത്. അതിനാൽത്തന്നെ നമ്മെയും നമ്മുടെ കഴിവുകളെയും അറിയുകയെന്നത് പ്രധാനമാണ്. 

നമുക്ക് പ്രയോജനപ്പെടുത്താൻ കഴിയുന്ന കാര്യങ്ങളാണ് നമ്മുടെ കഴിവുകൾ (strength ). സ്വയം മുന്നോട്ട് പോകാൻ നമുക്ക് ഉപയോഗിക്കാവുന്ന കാര്യങ്ങൾ ആണ് അവ. അതേസമയം നമ്മുടെ ബലഹീനതകളെ (Weakness) നമ്മുടെ പരാജയമായി കാണേണ്ടതുമില്ല. നാം അതീവശ്രദ്ധയോടെ മെച്ചപ്പെടുത്തിയെടുക്കേണ്ട മേഖലകളാണവ. 

എന്താണ് SWOT Analysis?

SWOT രീതി ഉപയോഗിച്ച് നാം നമ്മെയും നമ്മുടെ കരിയറിനെയും വിലയിരുത്താൻ ശ്രമിച്ചാൽ നമുക്ക് നമ്മുടെ കഴിവുകളും അവസരങ്ങളും പരമാവധി പ്രയോജനപ്പെടുത്താനും ഒപ്പം ഒരുപാട് നേട്ടങ്ങൾ കൈവരിക്കാനും സാധിക്കും.

നിങ്ങളുടെ വ്യക്തിപരമായ ശക്തിയും(Strengths) ബലഹീനതയും (Weakness)എങ്ങനെ തിരിച്ചറിയാം

• സ്വയം അറിയുക
• ഒരു സുഹൃത്തിനോട് ചോദിക്കുക
• നിങ്ങളുടെ ശ്രമങ്ങളും പരാജയങ്ങളും കണ്ടെത്തുക
• നിങ്ങളുടെ വിജയങ്ങൾ/ പരാജയങ്ങൾ വിശകലനം ചെയ്യുക
• ഒരു Strength Test /Personality Test നടത്തുക 

വ്യക്തിഗത SWOT വിശകലനത്തിന്റെ പ്രയോജനങ്ങൾ

SWOT വിശകലനത്തിന്റെ പ്രധാന ലക്ഷ്യങ്ങൾ ഇവയാണ് - കണ്ടെത്തിയ കഴിവുകളെ പ്രോത്സാഹിപ്പിക്കുക, ബലഹീനതകൾ കുറയ്ക്കുക, അവസരങ്ങളെ ഉപയോഗപ്പെടുത്തുക, ഭീഷണികളായി നിൽക്കുന്നവയെ തടയാൻ നല്ല മുന്നൊരുക്കങ്ങൾ ചെയുക. SWOT വിശകലനത്തിന്റെ ഗുണങ്ങൾ ചുവടെ ചേർക്കുന്നു 

• ലക്ഷ്യങ്ങൾ നേടുന്നതിനുള്ള തന്ത്രങ്ങൾ വികസിപ്പിക്കാൻ സഹായിക്കുന്നു
• സുഹൃത്തുക്കളേക്കാളും സഹപ്രവർത്തകരേക്കാളും മികച്ചതാകാൻ കഴിയുന്നു
• വിജയത്തിന്റെ പാതയിൽ നിലവിൽ എവിടെയാണ് നിൽക്കുന്നതെന്ന് തിരിച്ചറിയാൻ കഴിയുന്നു
• ആവശ്യമുള്ള ലക്ഷ്യങ്ങൾ കൈവരിക്കുന്നതിനുള്ള പ്രാപ്തി തിരിച്ചറിയുന്നു
• കരിയർ, ജീവിതം, വ്യക്തിത്വം എന്നിവ മെച്ചപ്പെടുത്തുന്നു
• ഒരു വ്യക്തിയെന്ന നിലയിൽ നാം യഥാർത്ഥത്തിൽ ആരാണെന്ന് നന്നായി മനസ്സിലാക്കാൻ സഹായിക്കുന്നു
• നമ്മുടെ ശക്തികൾ വർദ്ധിപ്പിക്കുകയും ബലഹീനതകൾ കുറയ്ക്കുകയും ചെയ്യുന്നു
• കഴിവുകൾ  കണ്ടെത്താനും മെച്ചപ്പെടുത്താനും സഹായിക്കുന്നു 
• വ്യക്തിത്വ സവിശേഷതകൾ  മനസ്സിലാക്കാൻ ഇത് നമ്മെ സഹായിക്കുന്നു.